كتب النائب جورج عقيص على حسابه على منصة إكس:
“يعني اذا كنت مش موافق على ممارسات غادة عون بالقضاء، فحكماً لازم كون مع المصارف؟
شو هالتسطيح العقلي الفظيع؟
اساساً خبرونا عن انجازات غادة من بدء الأزمة لليوم؟ خمس سنين شو عملت بالملفات؟ (هلق بقولولي ما خلّوها: الجواب جاهز)
خبرونا شو عملت بملف القرض الحسن مثلاً؟ (مين ما خلّاها؟)
انا ضد المصارف مجتمعةً ككيان ساهم مع الدولة بخراب بيوت الناس، ومع حجز كل اموال اصحاب البنوك واعضاء مجالس ادارتها، ومع منعهم جميعا من السفر، توصلا لجلاء كل الحقايق وتحميل كل مسؤول تبعات اعماله.
علناً عم قولها.
بس اكيد انا ضد القاضي الاستعراضي المسيّس، اللي بيطلع بيتناظر مثلا على التلفزيون مع نائب وتاني يوم بيدّعي عليه كمدعي وكنائب عام بأغرب ادعاء بتاريخ القضاء (ما نسينا).
وبعتقد انو ازاحة غادة عون رح تطلق عملية المحاسبة بدءاً من رياض سلامة وصولا لأصغر متواطئ بملف سرقة الودائع.
كلّي امل انو الملف انوضع أخيراً بمسارو الصحيح، والا رح نكون عملنا من غادة عون ضحية وهيي اكيد مش هيك.
القضاء اليوم امام الامتحان”.
“لنبدأ من رئيس لجنة الادارة والعدل”
في المقابل، رد مغردون على موقف عقيص من المصار وطالبوه بأفعال.
وكتب الصجافي منير يونس: “النائب جورج عقيص: “انا ضد المصارف مجتمعةً ككيان ساهم مع الدولة بخراب بيوت الناس، ومع حجز كل اموال اصحاب البنوك واعضاء مجالس ادارتها، ومع منعهم جميعا من السفر، توصلا لجلاء كل الحقايق وتحميل كل مسؤول تبعات اعماله”.
وقال: “موقف جميل، فليبدأ رفع الدعاوى حضرة القاضي”.
بدوره، كتب خالد العجوز: “لنبدأ من رئيس لجنة الادارة والعدل. لينشر ما عنده من ملفات امام الرأي العام ,
وليكن المواطن هو الحكم .
الناس تريد ان ترى وثائق , وليس قصص وحكايات لا تسمن ولا تعيد الاموال المنهوبة. بانتظار مؤتمر صحفي لسعادته , اليوم قبل الغد”.
سهيل يمين من جهته كتب في تعليق على التغريدة: “تفضلوا طالبوا باللجنة البرلمانية للتحقيق بالسرقة”.
وفي المقابل، رحب آخرون بما جاء في تغريدة النائب عقيص.
