كتبت الصحافية الزحلية دانييل خياط على صفحتها على “فايسبوك”: “الى أي حد صحيحة لايحة القوات- ميريام يلي عم يتم تداولها
وأضافت خياط: “لأن إذا كان صحيح أنو رولان ابو خاطر إستبعد عنها كمرشح فغضبي شديد لا بل je suis indignée
رولان ما بيمثل حيّ فقط، رولان بيمثل أحياء زحلة كلها، بيمثل قطاع بكامله، بيمثل فئة شبابية بكاملها، بيمثل تاريخ زحلة ومستقبلها، وبهيدا المعنى هوي زحلاوي قحّ، بيعرف قصة كل حجرة وكل زاروب وكل درج بزحلة، وبالوقت نفسو قادر يطلع من هالوادي، يلي أحيانًا جورة بتخنق، ويمد جسور بتوصل لأوروبا.
رولان عم ينشئ عيلتو، ويطوّر شغلو بزحلة كخيار منو ومش إضطرارًا.
وتابعت خياط: “أنا ما عندي شي ضد حدا من المرشحين باللايحتين، بالآخر هني زحالنة، ولح يسعوا افضل ما فيهم للمدينة.
بس تلات ارباعهم ما بعرفهم، مش عم احكي بس بالشخصي عم احكي بالحياة العامة، ما بدي اظلمهم يمكن بالممارسة، يبرهنوا عن قدراتهم، ونكتشف انهم قدرات مخفية”.
مشكلتي بالعقلية يلي هندست هاللوايح.
خيار رولان أبو خاطر، متل انو يكون عنا كروم مثمرة، (كرمالها عم تتقلص)، ويكون في عنا تماثيل لعناقيد من حجر ومعدن بتخبر عن ماضي ما عاد يشبه المدينة.
يمكن يكون الأمر لخير رولان، وانشالله يطلع الموضوع مش صحيح، لأنو كرمالها عم تتقلص لايحة الأسماء يلي لح انتخبها، بانتخابات ما فيها دافع إلا إسماء المرشحين.
