وجهت مراسلة تلفزيون لبنان زينب ياسين رسالة في ظل استمرار التغطية وسط الحرب، وجاء فيها:
“اللي بيعرف تلفزيون لبنان، بيعرف انه أفقر وسيلة اعلامية بالبلد، ومع هيك، عم نشتغل باللحم الحي، بأقل الامكانيات المتوفرة، حتى لا يغيب تلفزيون الوطن عن الاحداث الحاصلة.
وبس ننزل عالارض، بتصير الناس تتمسخر وتحكي بطريقة جدا مقززة، وبصيرو يتهضمنو انه ايه عم تحكو عن الحرب العالمية او تطورتو وعم تنقلو حرب التحرير؟
بس اللي ما بيعرفوه هول المهضومين، انه تلفزيون لبنان، صحيح فقير بمعداته ومعاشاته، بس غني بالعالم اللي عم تجرب قد ما فيها تطلع صورة على الهوا..
فتت على التلفزيون من ٣ سنين، وخلال هال ٣ سنين، اتعلمت شغلات يمكن ما بحلم اتعلمها بأفخم الوسائل الاعلامية تطوراً..
شكراً لكل العاملين بتلفزيون لبنان خاصة بهالاحوال الصعبة، وشكراً لكل الزملاء من غير وسائل اعلامية، اللي دايما بيدعمونا ولو بكلمة بس نلتقى فيهن، وان شاء الله بيزبط هالبلد، والحكومة اللي عنا بتقرر ترجع العز لأول تلفزيون بالشرق الأوسط”.
